Հեռուստաընկերությունների գործերը շարունակում են վատանալ

Հեռուստառադիոծրագրերի կազմման և հեռարձակման, հեռահաղորդակցության գործունեությունից ստացված հասույթը այս տարվա հունվար-հուլիսին՝ նախորդ տարվա նույն ժամանակահատվածի համեմատ, նվազել է 0.2%-ով և կազմել 102.5 միլիարդ դրամ։ Այս մասին տեղեկացնում է ՀՀ ազգային վիճակագրական ծառայությունը։ Նշենք, որ անկման տեմպը փոքր-ինչ թուլացել է. առաջին կիսամյակում անկումը 0.5% էր։

Այդ թվում, ռադիոծրագրերի կազմման և հեռարձակման ոլորտի հասույթը նվազել է 6%-ով՝ կազմելով 1 միլիարդ 242.6 միլիարդ դրամ։

Հեռուստածրագրերի կազմման և հեռարձակման ոլորտի հասույթը նվազել է 16.1%-ով՝ հասնելով 3.5 միլիարդ դրամի։

Փոխարենը 0.5%-ով ավելացել է հեռահաղորդակցության ոլորտի ընկերությունների հասույթը՝ կազմելով 97.8 միլիարդ դրամ։