Ֆրանսուա Օլանդը թարմացրել է կառավարության կազմը
France-Presse լրատվական գործակալության փոխանցմամբ՝ Ֆրանսիայի նախագահ Ֆրանսուա Օլանդը թարմացրել է կառավարության կազմը: Ընդ որում, նախարարների մեծ մասը պահպանել է իր պաշտոնները: Դա մասնավորապես վերաբերում է արտգործնախարար Լորան Ֆաբիուսին, պաշտպանության նախարար Ժան Իվ Լե Դրիանին, ներքին գործքերի նախարար Բեռնար Կազնևին, ֆինանսների նախարար Միշել Սապենին:
Իր պաշտոնում մնացել են նաև բնապահպանության ու էներգետիկայի նախարար Սեգոլեն Ռուայալն ու արդարադատության նախարար Կրիստիան Տոբիրան: Փոփոխություններն առնչվել են կրթության ու էկոնոմիկայի նախարարություններին: Այդ գերատեսչությունների ղեկավարներ են դարձել Էմանուել Մակրոն և Նաջատ Վալո Բելկասեմը:
Սրանից առաջ հրաժարական էր տվել Մանուել Վալսի գլխավորած կառավարությունը:
