Բաց երկինքը նպաստել է ուղևորահոսքի աճին և նոր ընկերությունների մուտքին
Բաց երկնքի քաղաքականությանն անցնելուց հետո, հատկապես վերջին շրջանում ուղևորաշուկայում նկատվում է փոխադրումների աճի միտում՝ կապված բաց երկնքի քաղաքականության անցնելու հետ: Ինչպես տեղեկացնում է ՔԱԳՎ մամլո ծառայությունը, 2014 թվականի մայիս-հունիս-հուլիս ամիսներին «Զվարթնոց» և «Շիրակ» օդանավակայաններով ուղևորների հոսքը կազմել է 632 հազար մարդ: 2013 թվականի նույն ժամանակաշրջանում ուղևորահոսքը կազմել է 469 հազար մարդ՝ արձանագրվել է 34,6 տոկոս աճ: Շուկա են մուտք գործել նոր ընկերություններ՝ «Էթթիհատ Էյրուեյզը» դեպի Աբու Դաբի, «Վուելինգ» ավիաընկերությունը դեպի Բարսելոնա:
