Աբդուլահ Գյուլը վերջին անգամ նախագահել է Թուրքիայի Ազգային անվտանգության խորհրդի նիստը
Թուրքական Anadolu լրատվական գործակալության փոխանցմամբ՝ այսօր Անկարայում անցկացվել է Ազգային անվտանգության խորհրդի (ԱԱԽ) նիստը, որը վերջին անգամ նախագահել է Թուրքիայի գործող նախագահ Աբդուլլահ Գյուլը:
ԱԱԽ-ի նիստում քննարկվել են Իրաքի վերջին զարգացումները, այդ թվում նաև Մոսուլում Թուրքիայի հյուպատոսության անձանակազմի և թուրքմենների դրությունը: Քննարկվել են նաև Գազայի հատվածի դեմ Իսրայելի ռազմական ագործողությունները, որոնք հանգեցրել են մեծ թվով զոհերի:
Ընդգծվել է, որ Թուրքիան շարունակելու է հումանիտար օգնություն ուղարկել Գազայի հատված: ԱԱԽ-ի նիստում քննարկվել են նաև Սիրիայի վերջին զարգացումները: Աբդուլլահ Գյուլի նախագահական լիազորություններն ավարտվում են օգոստոսի 28-ին: Տվյալ պաշտոնում նրան կփոխարինի ներկայիս վարչապետ Ռեջեփ Էրդողանը:
