ՀՀ միջազգային պահուստները նվազել են
Հայաստանի Հանրապետության միջազգային պահուստները շարունակում են նվազել։ Ըստ ՀՀ Կենտրոնական բանկի 2014թ. հունիս ամսվա տեղեկագրի՝ դրանց ծավալը հունիսին կազմել է 1 միլիարդ 774.5 միլիոն դոլար։ Համեմատության համար նշենք, որ տարվա սկզբին միջազգային պահուստների ծավալը եղել է 2 միլիարդ 251.6 միլիոն դոլար, իսկ մայիսին՝ 1 միլիարդ 866.8 միլիոն դոլար։ Ավելացնենք նաև, որ ՀՀ միջազգային պահուստներն ամբողջությամբ կազմված են արտարժութային պահուստներից. ոսկի և ԱՄՀ-ում փոխարկելի արժույթ չունենք։
