Սնոուդենը պետք է վերադառնա և պատասխան տա իր գործողությունների համար. ԱՄՆ պետդեպարտամենտ
Ռուսական ИТАР-ТАСС լրատվական գործակալության փոխանցմամբ` ԱՄՆ պետդեպարտամենտը բացասաբար է արձագանքել ամերիկյան հատուկ ծառայությունների նախկին աշխատակից Էդվարդ Սնոուդենին երեք տարով Ռուսաստանում կեցության իրավունք տրամադրելուն:
ԱՄՆ պետդեպարտամենտը վերստին հայտարարել է Սնոուդենին հայրենիք վերադարձնելու անհրաժեշտության մասին: ԱՄՆ պետդեպարտամենտի պաշտոնական ներկայացուցիչ Մարի Հարֆը երեկ հայտարարել է, որ Սնոուդենի հարցում ԱՄՆ-ի դիրքորոշումը մնում է անփոփոխ.
«Մենք կարծում ենք, որ նա պետք է վերադառնա և պատասխան տա իր բոլոր գործողությունների համար: Ես վստահ չեմ, որ մենք կարող ենք անել էլ ավելին, քան նրա (Ռուսաստանի) արածին մեր վճռական անհամաձայնությունը հայտնելն է»:
