Վրաստանի իշխանությունները շեղվել են զարգացման եվրոպական ուղուց. Բիլդտ
Грузия Online-ի փոխանցմամբ՝ Շվեդիայի արտգործնախարար Կառլ Բիլդտը Twitter-ի իր միկրոբլոգում մեկնաբանել է Թբիլիսիի Վերաքննիչ դատարանի որոշումը՝ կապված երկրի նախկին նախագահ Միխեիլ Սաակաշվիլու գործը դիտարկելուց հրաժարվելու հետ.
Բիլդտը գրել է, որ վրացական իշխանությունները շեղվել են զարգացման եվրոպական ուղուց. «Դատական համակարգը օգտագործելով որպես ընդդիմադիրներին քաղաքական հալածանքի ենթարկելու զենք՝ Վրաստանի իշխանությունները շեղվել են զարգացման ժողովրդավարական ուղուց, ինչն անուղղելի վնաս կպատճառի երկրի միջազգային իմիջին»:
Հիշեցնենք, որ Թբիլիսիի քաղաքային դատարանը Սաակաշվիլու գործը սկսելու է դիտարկել սեպտեմբերի 22-ին:
