Ուկրաինայում հետախուզում են հայտարարել Զյուգանովի և Ժիրինովսկու նկատմամբ
Lenta.ru-ի փոխանցմամբ՝ Ուկրաինայի իշխանությունները հետախուզում են հայտարարել ռուս մի շարք քաղաքական գործիչների նկատմամբ, որոնց տվյալները տեղադրվել են հանրապետության ՆԳՆ-ի կայքում:
Նրանց թվում են հայտնվել է ՌԴ Կոմկուսի առաջնորդ Գենադի Զյուգանովը, Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին, ինչպես նաև «Արդար Ռուսաստան» կուսակցության առաջնորդ Սերգեյ Միրոնովը:
Նրանք բոլորն էլ մեղադրվում են Ուկրաինայի ՔՕ-ի 260-րդ հոդվածի 3-րդ կետը խախտելու մեջ (ապօրինի զինված միավորների ղեկավարում, ֆինանսավորում, զենքի, զինամթերքի, պայթուցիկ նյութերի կամ ռազմական տեխնիկայի մատակարարում), ինչը նախատեսում է մինչև 10 տարվա ազատազրկում:
Հիշեցնենք, որ սրանից առաջ էլ հաղորդվել էր, թե Ուկրաինան մտադիր է պատժամիջոցներ սահմանել ռուսական ընկերությունների և մշակութային ոլորտը ներկայացնող Ռուսաստանի մոտ 500 քաղաքացիների նկատմամբ:
