Անջեյ Կասպրշիկը հայտարարությունը` հայ-ադրբեջանական շփման գծի միջադեպերի մասին
ԵԱՀԿ-ի գործող նախագահի անձնական ներկայացուցիչ Անջեյ Կասպշիկը հանդես է եկել հայ-ադրբեջանական բախումների վերաբերյալ հայտարարությամբ՝ մտահոգիչ որակելով առաջին գծում տեղի ունեցած մի շարք միջադեպերի մասին վերջին տեղեկությունները: ԵԱՀԿ կայքում հրապարակված հաղորդագրության մեջ դեսպանը մասնավորապես նշել է.
«Յուրաքանչյուր զոհ ողբերգություն է նրանց ընտանիքների և ներգրավված այլ անձանց համար: ԵԱՀԿ-ի Մինսկի խմբի համանախագահներն անդրադարձել են այս հարցին օգոստոսի 2-ի իրենց հայտարարությամբ:
Իմ մանդատից ելնելով, ես շարունակելու եմ սերտորեն բանակցել կողմերի հետ, այդ թվում բարձր մակարդակով, նպատակ ունենալով օգնել նրանց թուլացնել լարվածությունը: Ես և իմ թիմը կշարունակենք մեր դիտարկման աշխատանքները, որոնք կազմակերպվում են կողմերի հետ համագործակցությամբ»:
