Ճապոնիայի կառավարությունը նոր պատժամիջոցներ է սահմանելու Ռուսաստանի դեմ
Ռուսական ИТАР-ТАСС լրատվական գործակալության փոխանցմամբ՝ Ճապոնիայի կառավարությունը պլանավորում է ընդունել Ռուսաստանի դեմ պատժամիջոցների նոր փաթեթ: Ակնկալվում է, որ այն կընդունվի կառավարության առաջիկա նիստում:
Հուլիսի 28-ին Ճապոնիայի կառավարության գլխավոր քարտուղար Յոսիխիդե Սուգան հայտարարել էր, որ Ճապոնիան հավելյալ պատժամիջոցներ է սահմանելու Ռուսաստանի նկատմամբ՝ կապված Ուկրաինայում տիրող իրավիճակի հետ:
Նոր պատժամիջոցները նախատեսում են մասնավոր անձանց ու կազմակերպությունների հաշվեհամարների սառեցում, ինչպես նաև Ղրիմից արտադրանքի ներկրման արգելք: Սուգան հույս է հայտնել, որ Ուկրաինայի ճգնաժամը կկարգավորվի խաղաղ ճանապարհով:
