Վրաստանի տնտեսական աճն այս տարվա առաջին կեսին կազմել է 6 տոկոս
Новости-Грузия լրատվական գործակալության փոխանցմամբ՝ Վրաստանի Ազգային վիճակագրական ծառայության նախնական տվյալներով՝ Վրաստանի տնտեսական աճն այս տարվա հունվար-հունիս ամիսներին կազմել է 6 տոկոս՝ համեմատած 2013 թվականի հաշվետու ժամանակահատվածի հետ:
2014 թվականի երկրորդ եռամսյակին տնտեսական աճը կազմել է 5.1 տոկոս՝ համեմատած 2013 թվականի հաշվետու ժամանակահատվածի հետ, իսկ առաջին եռամսյակի ցուցանիշը՝ 7.1 տոկոս: 2013 թվականի տնտեսական աճը կազմել է 3.2 տոկոս՝ համեմատած 2012 թվականի հետ, իսկ 2012 թվականի աճը՝ 6.2 տոկոս:
Բացի այդ, այս տարվա հունվար-հունիս ամիսներին Վրաստանից Չինաստան արտահանման ծավալն աճել է 68 տոկոսով (գրեթե 12.4 միլիոն դոլարով) և կազմել է 30.6 միլիոն դոլար՝ Վրաստանի ողջ արտահանման 2.2 տոկոսը:
