Էրդողանը նախագահական ընտրություններում պարտվելու դեպքում պատրաստ է հեռանալ քաղաքականությունից
Թուրքական TRT Haber հեռուստաալիքի փոխանցմամբ՝ Թուրքիայի փոխվարչապետ Էմրուլլահ Իշլերը հայտարարել է, որ վարչապետ, նախագահի թեկնածու Ռեջեփ Էրդողանը պատրաստ է հեռանալ քաղաքականությունից, եթե պարտվի առաջիկա նախագահական ընտրություններում:
Իշլերի խոսքերով՝ Էրդողանի կողմից երկրում իրականացված բարեփոխումներն ակնհայտորեն այն բանի ապացույցն են, որ Թուրքիայի ժողովուրդը նախագահական ընտրություններում աջակցելու է նրա թեկնածությանը:
Իշլերն ընդգծել է, որ մի շարք երկրներում արտասահմանաբնակ թուրքերը նախագահական ընտրությունների քվեարկության ժամանակ բախվել են խնդիրների և մասնավորապես չեն կարողացել քվեարկել: Թուրքիայում նախագահական ընտրությունների առաջին փուլն անցկացվելու է օգոստոսի 10-ին:
