Շտապ. Ադրբեջանը հայտարարել է 8 զոհի մասին
Ադրբեջանական haqqin.az-ը, հղում անելով այդ երկրի պաշտպանության նախարարությանը, տեղեկացնում է, որ հուլիսի 31-ի լույս օգոստոսի 1-ի գիշերը թեժ փոխհրաձգության արդյունքում սպանվել են 8 ադրբեջանցի զինծառայողներ։ Բացի այդ, ադրբեջանական կողմը հայտարարել է ևս 2 սպայի կորստի մասին։
Ըստ ադրբեջանցիների՝ հայկական զինուժը Աղդամի և Թարթառի շրջաններում փորձել է հատել սահմանը։ Սկսվել է փոխհրաձություն, որի արդյունքում, իբր հայկական ուժերը տալով մեծ կորուստներ՝ նահանջել են։
Նշենք, որ երեկ Ադրբեջանը հայտարարել էր ևս մեկ զոհի մասին։
Հիշեցնենք նաև, որ հուլիսի 31-ին հակառակորդը ձեռնարկել էր հարձակում ղարաբաղա-ադրբեջանական հակամարտ զորքերի շփման գծի հյուսիսիային ուղղությամբ տեղակայված զորամասերից մեկի պահպանության տեղամասի մարտական հենակետի ուղղությամբ: Ցավոք, գործողության արդյունքում, զոհվել են ՊԲ երկու զինծառայողներ:
Ըստ ԼՂՀ ՊԲ հաղորդագրության՝ հայ դիրքապահ անձնակազմի կողմից հանդիպելով կազմակերպված դիմադրության, հակառակորդը կրելով բազմաթիվ կորուստներ` հետ է շպրտվել ելման դիրքեր:
Ըստ երևույթին, ադրբեջանական կողմը փորձում է սեփական արկածախնդրության զոհերին «դուրս գրել» հայկական կողմի հաշվին։ Այնպես որ, չի բացառվում, որ առաջիկա օրերին ադրբեջանցիները հայտարարեն նոր զոհերի մասին։
