Ավտոմեքենան կամրջից շրջվել, ընկել է ջրանցքը. տուժողը տեղափոխվել է հիվանդանոց
Հուլիսի 31-ին, ժամը 17.09-ին ահազանգ է ստացվել, որ Նոր Խարբերդի ամառանոցներում՝ եկեղեցու մոտակայքում, ավտոմեքենա է ընկել ջրանցքը, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում «ՎԱԶ-21011» մակնիշի 27 ՏՍ 613 պետհամարանիշով ավտոմեքենան կամրջից շրջվել, ընկել է ջրանցքը:
Հրշեջ-փրկարարներն ավտոմեքենայից տարբեր աստիճանի մարմնական վնասվածքներով դուրս են բերել Ա. Ս.-ին, ում շտապօգնության աշխատակիցները հոսպիտալացրել են «Էրեբունի» ԲԿ:
