Ի պաշտպանություն Լ. Հայրապետյանի բողոքի երթը դեպի ՌԴ դեսպանատուն չի կայանա
Քիչ առաջ պարզ դարձավ, որ հուլիսի 31-ին նախատեսված բողոքի միջոցառումը եւ երթը՝ ի պաշտպանություն արցախահայ գործարար, Մոսկվայում կալանավորված Լ. Հայրապետյանի, չի կայանա: Այս մասին տեղեկանում ենք «Ազատություն Լեւոն Հայրապետյանին» ֆեյսբուքյան էջից:
Նախաձեռնության հեղինակները բացատրում են այսպես, որ ոչ թե դադարեցնում, այլ ժամանակավորապես հետաձգում են բողոքի գործողությունները եւ այդ քայլին գնում են Լ. Հայրապետյանին մտերիմ մարդկանց հորդորով, որպեսզի չվնասեն գործարարին:
Հայտարարությունում ասվում է.
«Հարգելի՛ հայրենակիցներ,
շնորհակալ ենք բոլոր մեր խմբակիցներին և բոլոր այն հայերին, ովքեր իրենց աջակցությունն ու մասնակցությունն էին հայտնել երթի անցկացմանը, սակայն Լևոն Հայրապետյանին ավելի մոտ կանգնած մարդկանց հորդորներով ստիպված ենք, մեր հայրենակցի շահերը չվտանգելու միտումով երթը չեղյալ համարել անորոշ ժամանակով:
Հարգարժան հայեր խնդրում ենք չոգեկոտրվել և սպասել «Ի պաշտպանություն Լևոն Հայրապետյանի» շտաբի հրահանգներին:
