Օրհան Զեյնալովը դատապարտվեց 17 տարվա ազատազրկման
Ադրբեջանի քաղաքացի Օրհան Զեյնալովը Մոսկվայի քաղաքային դատարանի վճռով դատապարտվել է 17 տարվա ազատազրկման: Ինչպես հաղորդում է itar-tass գործակալությունը, դատարանը Զեյնալովին մեղավոր է ճանաչել Եգոր Շրբակովի սպանության մեջ և մասնակիորեն բավարարել ներկայացված քաղաքացիական հայցը: Հօգուտ տուժողի իրավահաջորդի նրանից դատարանի վճռով կբռնագանձվի 3 մլն ռուբլի:
Լրատվամիջոցը տեղեկացնում է նաև, որ դատավորը վճռել է, որ Զեյնալովը պատիժը պետք է կրի խիստ ռեժիմով քրեակատարողական հիմնարկում:
