Ուկրաինայի արևելքում գործող զինյալները կործանել են երկու մարտական ինքնաթիռ
ZN.UA-ի փոխանցմամբ՝ Ուկրաինայի արևելքում գործող զինյալները կործանել են ուկրաինական երկու մարտական ինքնաթիռ: Այս մասին հայտարարել է Հակահաբեկչական գործողության շտաբի ներկայացուցիչ Ալեքսեյ Դմիտրաշկովսկին:
Նրա խոսքերով՝ ներկա դրությամբ իրենք պարզում են տեղի ունեցածի հանգամանքները: Ուկրաինայի ՊՆ-ը հայտնել է, որ նախնական տվյալներով, այդ ինքնաթիռների երկու օդաչուները դիմել են կատապուլտի օգնությամբ, սակայն, ամենայն հավանականությամբ, նրանք վայրէջք են կատարել զինյալների վերահսկած տարածքում:
Նախնական տվյալներով՝ կործանվել են «Սու-25» տիպի երկու կործանիչներ:
