Մոնղոլիան հրաժարվել է Թուրքիայի ու Ադրբեջանի մասնակցությամբ TAKM կառույցից
Ադրբեջանական APA լրատվական գործակալության փոխանցմամբ` փոփոխության է ենթարկվելու Եվրասիական իրավապահ կազմակերպության ռազմական կարգավիճակը (TAKM): Այս մասին հայտարարել է Թուրքիայի Ժանդարմերիայի գլխավոր հրամանատարությունը:
TAKM-ի վերափոխման պատճառ է հանդիսացել այն, որ Մոնղոլիան չի ստորագրել ընթացիկ տարվա մարտի հիմնադիր պայմանագիրը: Մոնղոլիայի հրաժարվելու հետ կապված էլ ընդունվել է նման որոշում: Կազմակերպության կազմում Մոնղոլիային կփոխարինի Ղազախստանը:
TAKM-ը հիմնադրվել է 2013 թվականի հունվարի 25-ին, Բաքվում, որի նպատակը կազմակերպության կազմում ընդգրկված երկրների իրավապահ կառույցների միջև համագործակցության ուժեղացումն է:
