Եվրամիությունը մտադիր է ավելի մեծ թվով ռուսաստանյան ընկերությունների նկատմամբ պատժամիջոցներ կիրառել
Եվրամիության խորհուրդը որոշում է ընդունել, ըստ որի ընդլայնվում է ռուսաստանյան ընկերություններին ԵՄ սեւ ցուցակում ընդգրկելու չափորոշիչների ցուցակը: Այս մասին հայտնում է կառույցի մամուլի ծառայությունը:
«Դա պայմաններ կստեղծի սառեցնելու այն ընկերությունների եւ կազմակերպությունների ակտիվները, որոնք նյութապես կամ ֆինանսապես աջակցել են Ուկրաինայի անկախության, ինքնիշխանության եւ տարածքային ամբողջականության խախտմանն ուղղված գործողություններին»,-ասված է հայտարարության մեջ:
Նոր չափորոշիչների հիման վրա Եվրամիությունը մինչեւ հուլիսի վերջ կնախապատրաստի ռուսաստանյան ընկերությունների ցուցակը, որոնց ակտիվները կսառեցվեն:
