Գեներալները կպայքարեն Աբխազիայի նախագահի պաշտոնի համար
Вестник Кавказа-ի փոխանցմամբ՝ Աբխազիայի ԿԸՀ-ը գրանցել է նախագահի 4 թեկնածուի: Օգոստոսի 24-ին կայանալիք նախագահական վաղաժամ ընտրություններին մասնակցում են պաշտպանության նախարարի պաշտոնակատար Միրաբ Կիշմարիան, ներքին գործերի նախկին ղեկավար Լեոնիդ Ձապշբան, ընդդիմության առաջնորդ Ռաուլ Խաջիմբան և Պետական անվտանգության ծառայության նախագահի պաշտոնակատար Ասլան Բժանիան:
Նախագահի բոլոր չորս թեկնածուներն էլ գեներալներ են: Նրանք նախօրեին հաջողությամբ հանձնել են աբխազերենին տիրապետելու թեստը, ինչը գրանցելու գլխավոր նախապայմաններից մեկն է: Մերժվել է միայն նախկին փոխվարչապետ Բեսլան Էբան, ով բավականաչափ չի տիրապետել պետական լեզվին:
