Մոսկվայի մետրոպոլիտենի վթարի հետևանքով զոհերի թիվը հասել է 10-ի
Ռուսական ИТАР-ТАСС լրատվական գործակալության փոխանցմամբ՝ Մոսկվայի մետրոպոլիտենում գրանցված վթարի հետևանքով զոհերի թիվը հասել է 10-ի: Այս մասին հայտարարել է Մոսկվայի փոխքաղաքապետ Պյոտր Բիրյուկովը: Նա ընդգծել է, որ ընդհանուր առմամբ բժիշկների օգնությանն է դիմել 149 մարդ, որոնցից 106-ին հոսպիտալացրել են:
Ռուսաստանի նախագահի մամլո քարտուղար Դմիտրի Պեսկովը հայտարարել է, որ նախագահ Վլադիմիր Պուտինն իրազեկված է Մոսկվայի մետրոպոլիտենում գրանցված վթարի մասին: Մոսկվայի տրանսպորտի դեպարտամենտի ղեկավար Մաքսիմ Լիկսուտովը հերքել է Մոսկվայի մետրոպոլիտենում ահաբեկչության տարբերակը:
Նրա խոսքերով՝ իրավապահները գործի քննման ժամանակ չեն դիտարկում ահաբեկչության վարկածը: Այսօր առավոտյան Մոսկվայի մետրոպոլիտենում երեք մարդատար վագոն դուրս է եկել ռելսերից, ինչը տեղի է ունեցել գնացքի ուժգին արգելակումից հետո:
