Ռուսաստանում և Եվրոպայում բնակվող հայ գործարարները Տավուշում ներդրումներ կանեն
tesankyun.am-ը գրում է. Տավուշի մարզպետ Հովիկ Աբովյանին հարցրեցինք, թե մարզում նոր ներդրողներ լինելո՞ւ են: Նա ասաց.
«Արդեն զրույցներ եմ ունեցել Ռուսաստանի Դաշնությունում եւ Եվրոպայում բնակվող մեր հայրենակից գործարարների հետ: Մի քանի օր հետո ներդրողների հետ հանդիպում եմ ունենալու:
Նրանք ցանկություն ունեն մարզի գյուղատնտեսության ոլորտում ներդրումներ կատարելու: Տավուշի մարզը գյուղատնտեսական թեքում ունի, առկա են գյուղատնտեսությունը զարգացնելու բավական ռեսուրսներ:
Ներդրողները ծրագրեր ունեն պտուղ եւ բանջարեղեն ընդունելու, վերամշակող ձեռնարկություններ ստեղծելու: Նրանք որոշակի ծավալի միրգ եւ բանջարեղեն մթերելու ծրագրեր ունեն: Ես մոնիտորինգ եմ կատարել եւ գիտեմ մարզի հնարավորություները: Այդ ներդրումների շնորհիվ մարզում աճեցված բերքը կվերամշակվի, կստեղծվեն նոր աշխատատեղեր»:
