Ադրբեջանում տեղյակ չեն, թե ինչպես է 3 տոննա թմրանյութը հատել երկրի սահմանը
Ադրբեջանական Turan լրատվական գործակալության փոխանցմամբ՝ Ադրբեջանի պետական սահմանային ծառայությունը չի հաստատել Վրաստանի ՆԳՆ-ի տեղեկատվությունը, թե Ադրբեջանից Վրաստանի տարածքով Թուրքիա մեկնող վրացական բեռնատարում հայտնաբերվել է 2790 կիլոգրամ «հեղուկ հերոին»:
Ադրբեջանի պետական սահմանային ծառայության մամլո ծառայության ղեկավար Էլհան Նագիևը հայտարարել է, որ իրենք չունեն նման տեղեկատվություն, և որ Վրաստանի իրավապահները չեն դիմել իրենց: Ադրբեջանի Ազգային անվտանգության նախարարությունը չի մեկնաբանել տվյալ փաստը:
Ադրբեջանցի ուժայինները հաճույքով թմրանյութեր են հայտնաբերում ընդդիմադիրների շրջանում, սակայն նրանք «չեն կարողացել» հայտնաբերել մոտ 3 տոննա հերոինի լուծույթը:
