Մարգվելաշվիլին ստացել է Ֆրանսիա այցելելու պաշտոնական հրավեր

Ադրբեջանական Trend լրատվական գորածակալության փոխանցմամբ՝ Վրաստանի նախագահ Գեորգի Մարգվելաշվիլին Ֆրանսիայի նախագահ Ֆրանսուա Օլանդից ստացել է Ֆրանսիա այցելելու պաշտոնական հրավեր: Այս մասին հայտնել է Վրաստանի պետության ղեկավարի աշխատակազմը:

Վերջինիս հաղորդմամբ՝ Մարգվելաշվիլին Փարիզ կմեկնի հուլիսի 14-ին: Մարգվելաշվիլին այստեղ կմասնակցի Առաջին համաշխարհային պատերազմին նվիրված միջոցառումներին և այլ երկրների առաջնորդների հետ ներկա կգտնվի զորահանդեսին:

Մարգվելաշվիլին կհանդիպի նաև Ֆրանսիայի վրացական համայնքի ներկայացուցիչների հետ: