Իսրայելը ցամաքային առաջին գործողությունն է իրականացրել Գազայի հատվածի դեմ
France-Presse լրատվական գործակալության փոխանցմամբ` Իսրայելի ռազմածովային ուժերի հատուկջոկատայիններն այսօր ցամաքային առաջին գործողությունն են անցկացրել Գազայի հատվածում: Այս մասին հայտնել է իսրայելական ռադիոն:
Իսրայելցի զինծառայողները փոխհրաձգության մեջ են մտել ՀԱՄԱՍ-ի զինյալների խմբի հետ: Բախման հետևանքով վիրավորվել է իսրայելցի 4 զինծառայող: Իսրայելցի զինծառայողների թիրախը հանդիսացել է հրթիռային արձակման սարքը, որից ենթադրաբար հրթիռակոծվել է Իսրայելի տարածքը:
Իսրայելի կառավարությունը հուլիսի 8-ին թույլատրել էր ՀԱՄԱՍ-ի դեմ գործողության շրջանակներում իրականացնել ռեզերվիստների հավելյալ զորակոչ: Դա զինվորականներին հնարավորություն է տալիս պահեստազորից զորակոչել 40.000 մարդ:
