Լա Մանշում տեղի է ունեցել վերջին գրեթե 90 տարվա ամենաուժգին երկրաշարժը
Բրիտանական The Telegraph թերթի փոխանցմամբ` Լա Մանշ նեղուցում երեկ տեղի է ունեցել վերջին գրեթե 90 տարվա խոշորագույն երկրաշարժը: Ջերսի և Գերնսի կղզիներում ստորերկրյա ցնցումների ուժգնությունը կազմել է 4.2 մագնիտուդ:
Երկրաշարժի հետևանքով զոհեր ու ավերածություններ չեն գրանցվել, սակայն տեղի իշխանությունները կղզիաբնակներին խորհուրդ են տվել մանրակրկիտ զննել սեփական տները` հնարավոր ճաքերն ու փլվածքները ստուգելու համար:
Տվյալ շրջանում նախորդ անգամ նման խոշոր երկրաշարժ գրանցվել էր 1926 թվականին, այն ժամանակ նրա մագնիտուդը կազմել էր 5.6: Ջերսին ու Գերնսին Նորմանդական կղզիների խոշորագույն կղզիներն են, որոնք գտնվում են Լա Մանշ նեղուցում` ֆրանսիական Նորմանդիա մարզի ափերից ոչ հեռու:
