Իսրայելը 4 օրում հարվածել է Գազայի հատվածում գտնվող ավելի քան 1000 օբյեկտի. Նեթանյահու
Newsru.com-ի փոխանցմամբ` Իսրայելի վարչապետ Բենիամին Նեթանյահուն լրագրողների հետ զրույցում հայտարարել է, որ Իսրայելը Գազայի հատվածի զինյալների դեմ քառօրյա ռազմական գործողության ժամանակ հարվածել է ավելի քան 1000 օբյեկտի և պլանավորում է նոր հարվածներ:
Նա ընդգծել է, որ միջազգային հանրության կողմից չի զգում որևէ ճնշում` ուղղված ռազմական գործողության դադարեցմանը: Նեթանյահուն հայտարարել է, որ վերջին օրերին «լավ երկխոսության» մեջ է մտել համաշխարհային մի շարք առաջնորդների, այդ թվում նաև ԱՄՆ նախագահ Բարաք Օբամայի ու եվրոպացի առաջնորդների հետ:
Նեթանյահուն հայտարարել է, որ Իսրայելն անհրաժեշտության դեպքում կձեռնարկի նաև ցամաքային ռազմական գործողություն. «Մենք չենք բացառում որևէ տարբերակ»:
