Ադրբեջանը կալանավորած լրագրողների ցուցանիշով ԵԱՀԿ տիրույթի առաջատարն է. Միյատովիչ
Ադրբեջանական Turan լրատվական գործակալության փոխանցմամբ` ԵԱՀԿ-ի մամուլի ազատության հարցերով հատուկ ներկայացուցիչ Դունյա Միյատովիչը ԵԱՀԿ Մշտական կոմիտեին է հանձնել ծավալուն զեկույց, որում խոսք է գնում ԵԱՀԿ-ի տիրույթում վերջին կես տարում խոսքի ու ԶԼՄ-ների ազատության խախտումների մասին:
Զեկույցում նաև նշված է այն մասին, թե Միյատովիչն ինչպես է արձագանքել տվյալ փաստերին: Ադրբեջանի մասով զեկույցում նշված է, որ Ադրբեջանը կալանավորած լրագրողների ցուցանիշով ԵԱՀԿ-ի տիրույթի առաջատարն է , և որ այնտեղ տիրում է վախի մթնոլորտ:
