Երկրորդ օրն անընդմեջ բորսայում դոլար չի վաճառվում
Այսօր՝ հուլիսի 10-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի առքուվաճառք տեղի չի ունեցել։ Դոլարն առաջարկվել է 408.2 դրամով, սակայն պահանջարկի գինը չի գերազանցել 407.75 դրամը։
Հիշեցնենք, որ երեկ նույնպես բորսայում դոլար չէր վաճառվել։ Պահանջարկ ներկայացվել էր 407.5 դրամ փոխարժեքով, սակայն դոլարի առաջարկ ընդհանրապես չէր եղել։
Կանխիկ արտարժույթի շուկայում դոլարի առքի միջին գինը կազմում է 407 դրամ, վաճառքինը՝ 410 դրամ։
