Ռուսական 6 ուղղաթիռ խախտել է սահմանը. ուկրաինական կողմ
Ուկրաինական UNIAN լրատվական գործակալության փոխանցմամբ՝ ռուսական վեց ուղղաթիռ խախտել է Ուկրաինայի օդային տիրույթը՝ դրանում խորանալով մինչև 4 կիլոմետր: Այս մասին Կիևում լրագրողների հետ ճեպազրույցում հայտարարել է Ուկրաինայի Ազգային անվտանգության ու պաշտպանության խորհրդի տեղեկատվական կենտրոնի ներկայացուցիչ Անդրեյ Լիսենկոն:
Նա Ռուսաստանին մեղադրել է սահմանին բաց սադրանքների գնալու մեջ: Լիսենկոյի խոսքերով՝ ուկրաինացի սահմանապահները ռուսական ուղղաթիռների կողմից սահմանի խախտում են գրանցել Իլիչևկ բնակավայրի մոտ և տվյալ շրջանի զննումից հետո հայտնաբերել են ականանետային պատրաստի դիրքեր ու ռազմամթերք:
