Չեմպիոնների լիգա. «Բանանցը» հաղթեց, բայց դուրս մնաց պայքարից
Այսօր ՀՖՖ Տեխնիկական կենտրոն/Ֆուտբոլի ակադեմիայի մարզադաշտում տեղի ունեցավ Չեմպիոնների Լիգայի 2014/2015 թթ. խաղարկության որակավորման առաջին փուլի պատասխան հանդիպումը Հայաստանի չեմպիոն «Բանանցի» և Անդորրայի չեմպիոն «Սանտա Կոլոմայի» միջև: 20-րդ րոպեին Իլդեֆոնս Լիման բացեց հաշիվը՝ 0:1: 29-րդ րոպեին Ռումյան Հովսեփյանը հավասարեցրեց հաշիվը: 47-րդ րոպեին Գարեգին Մաշումյանն առաջ մղեց «Բանանցին»՝2:1: 56-րդ րոպեին Ռումյան Հովսեփյանը հաշիվը դարձրեց 3:1: Հանդիպման 90+4 րոպեին անդորրացիների դարպասապահ Էլոյ Կասալսը կրճատեց հաշվի տարբերությունը՝ 3:2: Այսպիսով «Բանանցը» դուրս մնաց հետագա պայքարից, քանի որ առաջին խաղում զիջել էր մրցակցին 0:1 հաշվով:
