«Հրայր Մանուկյանի հավաքագրման կապավորը եղել է կրթության և գիտության նախարարի խորհրդականը». Րաֆֆի Հովհաննիսյան
«Ժառանգություն» կուսակցության առաջնորդ Րաֆֆի Հովհանիիսյանն իր այսօրվա ասուլիսում անդրադարձավ կուսակցության վարչության անդամ, լրագրող Հրայր Մանուկյանին և Հոփսեփ Ղազարյանին հավաքագրելու՝ ԱԱԾ-ի փորձին։ Հովհաննիսյանը հայտարարեց, որ կոնկրետ Հրայր Մանուկյանի դեպքում կապավորը (մարդը, ով նպաստել է այդ հանդիպման կայացմանը) Կրթության և գիտության նախարարի խորհրդականն է։ Ր. Հովհաննիսյանը նաև տեղեկացրեց, որ այսօր Հրայր Մանուկյանը հաղորդագրություն է ներկայացնելու հանցագործության մասին՝ ՀՀ գլխավոր դատախազին և Մարդու իրավունքների պաշտպանի գրասենյակ։
