Իլհամ Ալիևն օտար երկրներում Ադրբեջանի բոլոր դեսպաններին կանչել է Բաքու. աղբյուր

Modern.az-ի փոխանցմամբ՝ Ադրբեջանի նախագահ Իլհամ Ալիևն Ադրբեջանի բոլոր դեսպաններին կանչել է Բաքու: Առաջիկա օրերին տեղի է ունենալու օտար երկրներում Ադրբեջանի դեսպանների ընդլայնված նիստը, որին մասնակցելու է նաև Իլհամ Ալիևը:

Այս մասին լրատվամիջոցին հայտնել են նրա դիվանագիտական աղբյուրները: Նրանց հաղորդմամբ՝ դիվանագիտական կորպուսի նիստի ժամանակ քննարկվելու են Ադրբեջանի համար կարևոր հարցեր և տրվելու են համապատասխան հանձնարարություններ:

Անցյալում Ադրբեջանի նախագահը մի քանի անգամ նմանատիպ հանդիպումներ է անցկացրել դիվանագետների հետ: