Ըստ քաղաքացու հաղորդման` հարկային ծառայության աշխատակիցներն իրենից և ամուսնուց կաշառք են պահանջել
ՌԴ քաղաքացի Դ. Բ.-ի հաղորդման հիման վրա ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 311-րդ հոդվածի 3-րդ մասի 2-րդ կետի հատկանիշներով հարուցվել է քրեական գործ:
Ըստ քաղաքացի Դ. Բ.-ի հաղորդման` ՀՀ ԿԱ պետական եկամուտների կոմիտեի հարկային ծառայության աշխատակիցները 2014թ. մարտին այցելել են իր և ամուսնու` Մ. Թ.-ի կողմից վարձակալած հագուստի խանութ և հնարավոր ստուգումներից ազատելու դիմաց ամուսիններից պահանջել կաշառք:
Կատարվում է նախաքննություն:
ՀՀ Հատուկ քննչական ծառայություն
