Ստեփանավան քաղաքի բնակչի որոնման աշխատանքները կվերսկսվեն ապրիլի 28-ի առավոտյան

Ապրիլի 25-ին, ժամը 10.36-ին ահազանգ է ստացվել, որ Լոռու մարզի Ստեփանավան քաղաքի բնակիչ՝ 1937 թ. ծնված Վ. Մ.-ը ապրիլի 21-ին դուրս է եկել տանից և չի վերադարձել, վերջին անգամ նրան տեսել են Սվերդլով գյուղում. անհրաժեշտ է փրկարարների օգնությունը:

Դեպքի վայր են մեկնել 5 հրշեջ-փրկարար և «Լոռե» հասարակական փրկարարական ջոկատից 4 փրկարար: Ժամը 19.30-ին որոնողափրկարարաական աշխատանքները դադարեցվել են անբարենպաստ եղանակի և վատ տեսանելիության պատճառով, կվերսկսվեն ս.թ. ապրիլի 26-ի առավոտյան:

Ապրիլի 26-ին ժամը 09.20-ին որոնողափրկարարական աշխատանքները վերսկսվել են: Ժամը 20.15-ին որոնողափրկարարական աշխատանքները դադարեցվել են անարդյունք:

Ապրիլի 27-ին, ժամը 09.30-ին որոնողափրկարարական աշխատանքները վերսկսվել են: Ժամը 20.00-ին աշխատանքներն ավարտվել են անարդյունք և կվերսկսվեն ապրիլի 28-ի առավոտյան: Դեպքի վերաբերյալ կտրվի լրացուցիչ տեղեկատվություն:

Արտակարգ իրավիճակների նախարարություն