ՀՀԿ-ն բոլորին մաղթում է հաջողություն՝ և՛ ԲՀԿ-ին, և՛ ՕԵԿ-ին. Էդուարդ Շարմազանով
«ՕԵԿ-ի՝ կոալիցիան լքելու որոշմանը մենք հարգանքով են վերաբերվել և ավելացնելու բան չունենք: Ինչպես Արթուր Բաղդասարյանն է նշել՝ յուրաքանչյուր քաղաքական ուժ և քաղաքական գործիչ ինքն է ընտրում իր ճանապարհը»,- այսօր ՀՀԿ ԳՄ նիստից հետո հայտարարեց ՀՀԿ մամլո խոսնակ, ԱԺ փոխխոսնակ Էդուարդ Շարմազանովը՝ մեկնաբանելով Բադասարյանի հայտարարությունը, որ երբ ինչպես ցանկացել է, ՀՀԿ-ն այդպես էլ հաշվել է քվեարկությունը:
Ըստ նրա՝ ՀՀԿ-ն բոլորին մաղթում է հաջողություն՝ և՛ ԲՀԿ-ին, և՛ ՕԵԿ-ին: Շարմազանովը դրական գնահատեց, որ ՕԵԿ-ի հետ բաժանվում են ոչ թե հայհոյանքներով, այլ բարեմաղթանքներով:
