44-ամյա կինը մեղադրվում է Դուբայում մարմնավաճառությամբ, այնուհետև կավատությամբ զբաղվելու մեջ
Դատարան է ուղարկվել 44-ամյա կնոջ դեմ հարուցված քրեական գործը: Նրան մեղադրանք է առաջադրվել այն բանի համար, որ նա 3 տարվա ընթացքում Դուբայ քաղաքում զբաղվել է մարմնավաճառությամբ, այնուհետև` կավատությամբ և տիրապետել է հանցավոր այդ գործունեության և դրա միջոցով գույքային օգուտ ստանալու հնարքներին: Նրան մեղադրանք է առաջադրվել պառնկությամբ զբաղվելուն նպաստելու համար (ՀՀ քրեական օրենսգրքի 262-րդ հոդվածի 1-ին մաս):
Նշված արարքը պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ կալանքով` մինչև երեք ամիս ժամկետով, կամ ազատազրկմամբ՝ մեկից չորս տարի ժամկետով: Կնոջ նկատմամբ որպես խափանման միջոց է ընտրվել կալանավորումը:
