Մենք տնտեսությունը չենք բերում նրան, որ հայտնվի վատ վիւճակում. Գ.Ծառուկյան
Քիչ առաջ Ծաղկաձորի «Մուլտի Ռեստ Հաուս» հյուրանոցում մեկնարեց խորհրդարանական չորս ուժերի հրավիրած տնտեսական համաժողովը, որին մասնակցում է ԲՀԿ նախագահ Գագիկ Ծառուկյանը, քաղաքական 4 ուժերի ներկայացուցիչները, Արևելյան Եվրոպայի երկրներից տնտեսագետներ, իրավաբաններ և քաղաքագետներ:
«Մենք հավաքվել ենք կառավարության տնտեսական քաղաքականության սխալները վեր հանելու համար»,- ողջունելով համաժողովի մասնակիցներին ասաց Գ.Ծառուկյանը: Նա նշեց, որ երկրի տնտեսությունը հատնվել է լուրջ վտանգի առաջ. «Մենք բոլորի պես չենք ասում, որ ամեն ինչ գիտենք ու երկրի տնտեսությունը բերում ենք նրան, որ հայտնվի վատ վիճակում»: Ծառուկյանը շեշտեց, որ բոլորը պետք է իմանան իրենց տեղը, դիրքը, և ունակություններին համապատասխան վարձատրությամբ ու եկամուտներով բավարարվեն:
