ԵԽԽՎ-ն Ուկրաինայի հարցում Ռուսաստանի գործողությունները դատապարտող բանաձեւ է ընդունել
Եվրոպայի խորհրդի Խորհրդարանական վեհաժողովը չորեքշաբթի Ղրիմի հարցում Ռուսաստանի գործողությունները դատապարտող բանաձեւ է ընդունել, հաղորդում է INTERFAX գործակալությունը:
«Վեհաժողովը վճռականորեն դատապարտում է Ռուսաստանի ռազմական ագրեսիան եւ Ղրիմի բռնակցումը, որը միջազգային իրավունքի նորմերի ակնհայտ խախտում է», – ասվում է բանաձեւում:
Փաստաթղթում նշվում է, որ «իր գործողություններն արդարցնելու համար Ռուսաստանի կողմից ներկայացված եւ ոչ մի փաստարկ չի համապատասխանում իրականությանը»: Բանաձեւում նաեւ նշվում է, որ Մայդանում դիպուկահարների ետեւում կանգնած են եղել Ուկրաինայի նախկին իշխանությունները: Վեհաժողովը կոչ է արել մանրամասն հետաքննել «դիպուկահարների գործը»:
Բանաձեւի օգտին քվեարկել է 154 , դեմ է արտահայտվել 26, ձեռնպահ`14 պատգամավոր:
