Ողբերգական ավտովթար`Փարպի գյուղում. եկեղեցու մոտ հայտնաբերվել է վարորդի դին (լուսանկարներ)
Ապրիլի 8-ին, ժամը 03.49-ին ահազանգ է ստացվել, որ Արագածոտնի մարզի Փարպի գյուղի եկեղեցու մոտակայքում տեղի է ունեցել ՃՏՊ, առկա է գազի արտահոսք. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում Փարպի գյուղի գերեզմանատան մոտակայքում «Նիսսան» մակնիշի 34 LV 358 պետհամարանիշի ավտոմեքենան դուրս է եկել ավտոճանապարհի երթևեկելի հատվածից և բախվել գազատար խողովակին, ինչից խողովակից տեղի է ունեցել գազի արտահոսք:
Հրշեջ-փրկարարներն ավտոմեքենայից մոտ 50 մ հեռավորության վրա հայտնաբերել են վարորդ, նույն գյուղի բնակիչ` 1981 թ. ծնված Տ. Ս.-ի դին:
«1-04» ծառայության աշխատակիցները դադարեցրել են գազի արտահոսքը:
