Մարդն ի՞նչ չպետք է անի ինքն իր նկատմամբ
Քանի որ ոչ ոքի չի հաջողվել վերադառնալ անցյալ` կատարած սխալները շտկելու համար, ուստի AdMe.ru-ն ներկայացնում է, թե ինչ չպետք է մարդն անի իր իսկ անձի նկատմամբ` մեծ սխալներ կյանքում թույլ չտալու համար:
Դադարեք ժամանակ անցկացնել «ոչ այն» մարդկանց հետ
Կյանքը չափազանց կարճ է` ժամանակ անցկացնելու համար նրանց հետ, ովքեր ձեզնից քամում են բոլոր կենսահյութերը: Իրական ընկերները ձեր կողքին են եւ աջակցում են ձեզ ամեն ինչում` ոչ միայն հաջողությունների, այլեւ անհաջողությունների ժամանակ: Երբեք պետք չէ կառչել նրանց, ովքեր փորձում են նսեմացնել ձեզ:
Չխուսափել ձեր իսկ խնդիրներից
Պետք է կանգնել դրանց դեմ հանդիման: Դա հեշտ չէ: Աշխարհում չկա մի էակ, որը կարող է իդեալական կերպով պահել ու ետ մղել հարվածը: Մեզնից չի պահանջվում վայրկենական լուծել խնդիրները: Մեզ համար գրեթե նորմա է` տխրել, ցավ զգալ, հետո հանգստանալ ու լուծում փնտրել: Դրանում էլ կայանում է կյանքի իմաստը` բախվել խնդրի հետ, սովորել եւ, ի վերջո, լուծել այն:
Չխաբել ինքներդ ձեզ
Դա կարող եք անել ում հետ ուզում եք, միայն ոչ` ինքներդ ձեզ հետ: Մարդը կարող է հաջողել միայն այն դեպքում, երբ ազնիվ է ինքն իր նկատմամբ:
Ձեր պահանջմունքները ետին պլան մի մղեք
Չի կարելի անմոռաց նվիրվելով ինչ-որ մեկին` մոռանալ սեփական նշանակության մասին: Աչքաթող մի արեք մերձավորներին, սակայն մի մոռացեք նաեւ ինքներդ ձեր մասին:
Մի փորձեք դառնալ ուրիշ մեկը
Կյանքի ամենամեծ խնդիրներից մեկը ինքներդ ձեզ գտնել է. եղեք ինչպես կաք եւ նա, ով ձեզ իսկապես պետք է, կսիրի ձեզ այնպես, ինչպես կաք:
Պետք չէ կառչել անցյալից
Դուք չեք կարող սկսել ձեր կյանքի նոր էջը, քանի դեռ շարունակում եք կարդալ նախորդը:
Մի վախեցեք սխալներից
Ինչ -որ բան անելն ու սխալվելը տասն անգամ ավելի արդյունավետ է, քան ոչինչ չանելը: Յուրաքանչյուր հաջողություն կրում է նախկին անհանջողությունների հետքերը:
Դադարեք ինքներդ ձեզ կշտամբել անցյալի սխալների համար
Պետք չէ ինքնախարազնվել անցյալի սխալների համար: Սխալները մեզ օգնում են գտնել ճիշտ մարդկանց եւ ճիշտ քայլեր կատարել: Ինչ էլ լինի ձեր կյանքում, այն ձեզ պատրաստում է դեպի ապագա նոր քայլի:
Մի փորձեք երջանկություն գնել
Շատ բաներ, ինչ մենք ցանկանում ենք, երբեմն իսկապես բավականին թանկ արժեն: Սակայն իրականությունն այն է, որ այն ամենը, ինչ մեզ իսկապես երջանիկ է դարձնում` սերը, ծիծաղը եւ այլն, անվճար են:
Մի փնտրեք ինչ–որ մեկին` երջանիկ լինելու համար
Եթե դուք դժգոհ եք ինքներդ ձեզնից, ապա երկարաժամկետ հարաբերություններն ինչ-որ մեկի հետ ձեզ առանձնապես երջանիկ չեն դարձնի: Հարկավոր է ձեր կյանքում կայունություն ստեղծել` մինչեւ ինչ-որ մեկի հետ այն կիսելը:
Դադարեք անբանությամբ զբաղվել
Շատ երկար մի մտածեք, հակառակ դեպքում կարող եք ստեղծել խնդիրներ անգամ այնտեղ, որտեղ դրանք չկան: Գնահատեք իրավիճակն ու գործուն քայեր ձեռնարկեք: Դուք չեք կարող փոխել այն, եթե չեք ցանկանում դիմակայել դրանց: Ցանկացած առաջընթաց նաեւ ռիսկ է պարունակում:
Դադարեք մտածել, որ դուք պատրաստ չեք
Ոչ ոք իրեն 100%-ով պատրաստ չի զգում ինչ-որ բանի համար: Լուրջ հնարավորությունների մեծ մասը մեզ ստիպում է հրաժարվել մեր սովորական դարձած հարմարավետությունից:
Դադարեք նախանձել
Նախանձը ուրիշի հաջողությունների հաշվարկն է` ձեր իսկ հաջողությունների փոխարեն: Հարցրեք ինքներդ ձեզ` «ինչ ունեմ ես, որը ցանկանում է յուրաքանչյուրը»:
