Մարտ ամսվա ընթացքում Երևանի փողոցներից ապամոնտաժվել է 324 գովազդային վահանակ
Երևանի քաղաքապետարանի արտաքին ձևավորման և գովազդի վարչության պետը աշխատանքային խորհրդակցության շրջանակում զեկուցել է, որ մայրաքաղաքի փողոցներում վերականգնվել և ամրացվել է հայտարարությունների 207 ցուցատախտակ: Բացի այդ, զեկուցվել է, որ անցած մեկ ամսվա ընթացքում Երևանի փողոցներից ապամոնտաժվել է օրենսդրությանը չհամապատասխանող 324 գովազդային վահանակ: Քաղաքապետ Տարոն Մարգարյանը հանձնարարել է շարունակել գործընթացն ու խիստ հսկողության տակ պահել այն: Այս մասին տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:
