Տղամարդը սպառնացել է նախկին ընկերուհու և իր միջև եղած սեռական կապի մասին տեղեկացնել նրա հարազատներին
Ոստիկանության Արաբկիրի բաժնի ծառայողներն օրերս բաժին են հրավիրել 42-ամյա մի կնոջ: Վերջինս հայտնել է, որ նախկին ընկերը` 1989 թ. ծնված Վիրաբ Ս.-ն, իրենց միջև եղած սեռական կապի մասին տեղեկությունն իր հարազատներին հայտնելու սպառնալիքով` 2013 թ. սեպտեմբերից մինչև ս/թ. հունվարն ընկած ժամանակահատվածում պարբերաբար իրենից պահանջել և ստացել է 250.000 դրամ և 80.000 դրամ արժողության ափսե լվանալու մեքենա: Ոստիկանները Վիրաբ Ս.-ին հայտնաբերել և բերման են ենթարկել բաժին: Կատարվում է հետաքննություն:
