Մահվան ելքով պատահար Երևանի Իսակովի պողոտայում. վարորդը հիվանդանոց տեղափոխվելու ճանապարհին մահացել է

Ապրիլի 4-ին, ժամը 02.00-ին, ՌԴ քաղաքացի, 1989 թ. ծնված Դմիտրի Սիդորենկոյի վարած «ԲՄՎ-318» մակնիշի ավտոմեքենան Երևանի Ծովակալ Իսակովի պողոտայում բախվել է պողոտայի կենտրոնով անցնող բետոնյա պատնեշին և կողաշրջվել:

Պատահարի հետևանքով վարորդն ու ուղևորուհին մարմնական վնասվածքներ են ստացել: «Մալաթիա» բժշկական կենտրոն տեղափոխվելու ճանապարհին Դ. Սիդորենկոն մահացել է:
Կատարվում է քննություն:

ՀՀ Ոստիկանություն