Կուտակային օրենքն ուժի մեջ չէ. Արտակ Զեյնալյան
«Կուտակային օրենքն ուժի մեջ չէ, այդ դրույթները հակասում են Սահմանադրությանը և վնասում են մարդկանց: Մեր դիմումն ամբոջությամբ բավարարված է: Սահմանադրական դատարանի որոշումը պետք է կատարել և վերջ»,- այսօր կուտակայինի վերաբերյալ ՍԴ որոշման հրապարակումից հետո լրագրողներին ասաց դիմող կողմի ներկայացուցիչ, իրավաբան Արտակ Զեյնալյանը:
Նա շեշտեց, որ Հայաստանի Հանրապետությունը սոցիալական իրավական պետություն է: Ըստ Զեյնալյանի՝ արդեն գանձված կուտակային գումարները պետք է վերադարձվեն մարդկանց, և համակարգը լուրջ փոփոխությունների կարիք է զգում: Նրա խոսքով՝ ՍԴ որոշման մեջ օրինակ բերվեց մի շարք երկրների փորձը և ՍԴ որոշման համատեքստում փոփոխություններ պետք է կատարվեն ՀՀ օրենքներում:
Հիշեցնենք, որ այսօր ՍԴ-ն քաղաքական 4 ուժերի կողմից վիճարկվող դրույթները ճանաչ ՀՀ Սահմանադրությանը հակասող և անվավեր:
