«Հայազն» կուսակցությունը շնորհավորում է «Դեմ եմ»-ին և քաղաքացիական հանրությանը

Սահմանադրական դատարանն այսօր հակասահմանադրական և անվավեր ճանաչեց «Կուտակային կենսաթոշակների մասին» ՀՀ օրենքի վիճարկվող դրույթները, մասնավորապես դրանց պատադիր լինելու հանգամանքը:
«Հայազն» կուսակցությունը շնորհավորում է «Դեմ եմ» շարժման բոլոր մասնակիցներին, և ողջ քաղաքացիական հանրությանը՝ Մաշտոցի պուրակի, Տրանսպորտի թանկացման դեմ տարված պայքարներում արձանագրած հաղթանակից հետո հերթական խոշոր հաղթանակի առթիվ:

Կարևորում ենք հակադարձող բնույթի պայքարից դեպի սեփական ազգային-քաղաքական օրակարգ ձևավորելուն միտված քայլերը: Այլևս կատարվածին ճիշտ գնահատական տալու և դեպի համակարգային փոփոխություններ շարժվելու ժամանակն է:

Միաժամանակ իշխանություններից պահանջում ենք.

• Օրենքով սահմանված կարգով պատժել հակասահմանադրական օրինագիծը ստիպողաբար պարտադրողներին:

• Կազմակերպել մինչ օրս անօրինաբար կատարված պահումների արագ ու ամբողջական ետ վերադարձ:

• Աշխատանքի ընդունել Մետրոպոլիտենի, Օպերայի և այլ պետական կառույցների այն աշխատակիցներին, ովքեր աշխատանքից ազատվեցին «Դեմ եմ» շարժմանն աջակցելու համար:

• Համապատասխան փոխհատուցում տալ շարժման ակցիաների ընթացքում բերման ենթարկված, ձերբակալված ակտիվիստներին:

• Պատժել սեփական սահմանադրական իրավունքներն իրացնող քաղաքացիների հանդեպ օրինախախտումներ կատարած ոստիկաններին:

«Հայազն» կուսակցության վարչություն