Ջարդված ծառեր ու չքերված ձյուն ճանապարհներին
tesankyun.am-ը գրում է. Մարտի 30-ի առավոտյան Նոյեմբերյանի ավտոկայարանում, տեղացող առատ ձյան ներքո Ոսկեվան գյուղից եկած պատանին մեկ կապը 300 դրամով սինդրիկ էր վաճառում:
Նոյեմբերյան-Երեւան երթուղային միկրոավտոբուսը ճանապարհի վտանգավորության եւ ուղեւորների սակավության պատճառով առավոտյան երթուղի դուրս չեկավ: Նոյեմբերյանի «Լեւոն-երկրորդ» ՍՊԸ-ի եւ Իջեւանի ճանապարհաշինական ընկերության գրեյդերները ճանապարհից քերում էին ձյունը, բանվորները բեռնատարներից աղ էին շաղ տալիս:
«Իջեւանի ՃՇՇ» ՓԲԸ տնօրեն Արծրունի Ղալումյանն ասել է, որ իրենց ընկերության տեխնիկան աշխատում է Ոսկեպար-Կիրանց, լեռնային տեղանքով ձգվող շրջանցիկ ուղին, Բերդի տարածաշրջան տանող ճանապարհը, Իջեւան-Դիլիջան հատվածը ձյան շերտից մաքրելու, ճանապարհները երթեւեկության համար բաց պահելու համար:
Իջեւան-Դիլիջան ճանապարհին թաց ձյունը ճանապարհը դարձրել է շատ սահուն: Այդ հատվածում ձյան ծանրության տակ ծառեր ու ծառերի ճյուղեր էին կոտրվել:
Մանրամասներն` այստեղ
