«Դժոխքի ձոր» կոչվող տարածքում մոլորված քաղաքացիները բարեհաջող վերադարձել են

Մարտի 22-ին, ժամը 22.31-ին ահազանգ է ստացվել, որ Մ-2 միջպետական ավտոճանապարհին Զանգակատուն-Տիգրանաշեն հատվածում` «Դժոխքի ձոր» կոչվող տարածքում, կորել են 2 երիտասարդ` Զ. Բ.-ն (ծնվ.1981թ.) և Յ. Գ.-ն:  Անհրաժեշտ է փրկարարների օգնությունը:

Պարզվել է, որ մեկնել են «Լեկսուս» մակնիշի ավտոմեքենայով և այն թողնելով ճանապարհին (ձորի մոտ) ոտքով իջել են դեպի ձորը: Ըստ նախնական տվյալների` կորած քաղաքացիները ՀՀ լեռնագնացության ֆեդերացիայի անդամներ են:  Դեպքի վայր են մեկնել Արարատի մարզի օպերատիվ խումբը, ԱԱԾ և ՈԲ աշխատակիցները: Ժամը 23.25-ին տեղեկություն է ստացվել, որ 2 ամենագնաց ավտոմեքենայով լեռնագնացները (6 լեռնագնաց) մեկնում են նշված տարածք:

Մարտի 23-ին, ժամը 07.55-ին տեղեկություն է ստացվել, որ երիտասարդներն, ավտոմեքենան թողնելով Ուրցալանջ գյուղի տարածքում, իջել են ձորը, ներկա պահին վերելք են կատարում և մոտ 2 ժամից կմոտենան ավտոմեքենային: Ավտոմեքենան հայտնաբերվել է Ուրցալանջ գյուղի տարածքում:

Զանգակատուն գյուղի մոտակայքում` «Դժոխքի ձոր» կոչվող տարածքում կորած Զ. Բ.-ն և Յ. Գ.-ն բարեհաջող վերադարձել են իրենց ավտոմեքենայի մոտ:

Արտակարգ իրավիճակների նախարարություն