ԱՄՆ-ն, Ֆրանսիան ու Մեծ Բրիտանիան չեն ճանաչում Ղրիմի հանրաքվեի արդյունքները
Մեծ Բրիտանիայի արտգործնախարար Ուիլյամ Հեյգը հայտարարել է, որ Ղրիմի հանրաքվեի արդյունքները լեգիտիմ չեն կարող համարվել, հաղորդում է Reuters-ը: «Մեծ Բրիտանիան չի ճանաչում հանրաքվեի արդյունքները, ինչպես միջազգային հանրության մեծ մասը»,-հայտարարել է Հեյգը:
Նույնաբովանդակ հայտարարությամբ է հանդես եկել նաեւ Ֆրանսիայի արտգործնախարար Լորան Ֆաբիուսը` Ռուսաստանին կոչ անելով անհապաղ միջոցներ ձեռնարկել Ուկրաինայում «անիմաստ եւ վտանգավոր» լարվածությունը թուլացնելու ուղղությամբ:
Ավելի վաղ հաղորդվել էր, որ ԱՄՆ նախագահ Բարաք Օբամայի վարչակազմը նույնպես չի ընդունում հանրաքվեի արդյունքներրը, որոնք անցկացվել են բռնության սպառնալիքով:
