Ուկրաինայի գլխավոր դատախազությունը վարույթ է ընդունել Տիմոշենկոյի դատավորների գործը
Ուկրաինայի գլխավոր դատախազությունը քրեական վարույթ է ընդունել նախկին վարչապետ Յուլյա Տիմոշենկոյի նկատմամբ մեղադրական վճիռ կայացրած դատավորների գործը:
Դատախազության հաղորդագրության մեջ նշվում է, որ դատավորները կասկածվում են փաստաբանների գործունեությունը միտումնավոր կերպով խոչընդոտող ոչ իրավաչափ որոշումների ընդունման, ինչպես նաեւ նախկին վարչապետի պաշտպանության իրավունքը խախտելու համար: Բացի այդ, վարույթ է սկսվել նաեւ Տիմոշենկոյի գործով դատական փորձաքննությունների արդյունքների վերաբերյալ:
